ТАВ ТУХТАЙ, ТАНСАГ ГОЁХОН “MAY SEVEN” та бүхнийг урьж байна.
Цэлгэр уудам нутаг, цэлмэг хөх тэнгэр, эртний баялаг түүхтэй Монгол эх оронд минь айлчлан ирж буй эрхэм зочин, жуулчин та бүхэн нийслэл Улаанбаатар хотод маань тавтай морилно уу. Та бүхнийг Монгол улсын хүн амын талаас илүү хувь нь суурьшин амьдардаг нийслэл их хотод ажил, амралт, аяллаа амжилттай болгоход туслах, бүх асуудлаа шийдэх боломжтой яг л “Гэртээ байгаа мэт” ая тухтай, аюулгүй, халуун дулаан мэдрэмж өгч чадах орчин үеийн хэв маяг бүхий MAY SEVEN service apartment & hotel-ийг танилцуулж байна. Бид та бүхэнд олон улсын жишигт нийцсэн найрсаг шуурхай үйлчилгээ, цэвэр цэмцгэр тухтай орчин бүхий гэр бүл, ажлын хамтрагч, найз нөхдөөрөө хүссэн хугацаагаараа байрлах боломжтой Монголд хаана ч байхгүй тав тух, танд хэрэгтэй бүх үйлчилгээг цогцоор нь бүрдүүлсэн хотын төв талбайгаас ердөө 2км зайд байрлах хамгийн ашигтай байршилтай зочид буудлыг танилцуулж байна. Танд хэрэгтэй бүх төрлийн үйлчилгээг хамгийн өндөр түвшинд үзүүлэх болно.
УГТАХ, ҮДЭХ найрсаг соёлтой
Нисэх онгоцны буудалд буусны дараагаар хотын төв рүү хэрхэн зорчих, төлбөр нь хэд байх, такси үйлчилгээ авбал жолооч бас машин нь ямар бол, ойлголцож чадах болов уу? гээд маш олон эргэлзээ бий болдог. Тэгвэл бид таныг нисэх онгоцны буудлаас олон жилийн туршлагатай, найрсаг жолоочтой цэвэр, тохилог машинаар угтах нэмэлт онцгой үйлчилгээг санал болгож байна. Та гэр бүл, үр хүүхэд, найз нөхөд гээд хэдүүлээ ч аялсан бай сэтгэл амар зорчиж аян замын ядаргаагаа замдаа тайлж, зочид буудалдаа тухлаарай. Таныг манай найрсаг хамт олон хамгийн цэвэр цэмцгэр орчноор угтан авах төдийгүй та хүсвэл автомашины гаражаар дамжин цахилгаан шатаар өрөөндөө шууд байрлах боломжтой.
ТАВ ТУХ, ТАНСАГ дулаахан орчин
Таны сонгосон аль ч өрөө яг л “Гэртээ байгаа мэт” аюулгүй бөгөөд тав тухтай байж чадна гэдгийг амлаж байна. Та гэр бүл, хүүхдүүдтэйгээ зочилсон ч тав тухтай, цэвэр цэмцгэр орчинд хүссэн хугацаагаараа байрлах боломжтой. Урт хугацаанд байрлах тохиолдолд Бид үйлчлүүлэгч нэг бүрийнхээ бүх хэрэгцээг хангах үүднээс өрөө бүрд угаалгын машин, хувцас хатаагчийг иж бүрэн байрлуулж өгсөн учраас та хими цэвэрлэгээнд хувцсаа өгмөөргүй байгаа хэдий ч танд угаалга хийх шаардлага гарсан эсвэл гэнэтийн таагүй тохиолдлоор таны хувцас, хэрэглэл бохирдсон бол тэр даруйд нь угааж, хатаагаад өмсөх боломжтой гэсэн үг. Таны унтаж амрах унтлагын өрөөны тухтай ор, зочны өрөөнд байрлах маш том зурагт, угтах үүдний хэсэг, давхар бүр, тэр бүү хэл өрөө бүрд байрлах Монголын авьяаслаг мэргэжлийн зураачийн зурсан уран бүтээл гээд бид таныг аяллынхаа туршид эрч хүч, эерэг гоё мэдрэмжээр дүүрэн байгаасай гэж хүсээд энэ бүхнийг цогцлоосон юм шүү.
ХООЛЛОХ, АЛЖААЛАА ТАЙЛАХ бүрэн боломжтой
Олон улс, үндэстний соёлыг хоолоор нь дамжуулан амтлах, танин мэдэх боломжтой боловч өмнө нь идэж дадаагүй хоолны төрөл, хүнсний бүтээгдэхүүн нь бие тавгүйтүйлэх, магадгүй таны биед харшил үүсгэх эрсдэлтэй тулгарч байсан биз дээ. Тэгвэл та өөрийн хооллох соёл болон онцлог, хүнсний бүтээгдэхүүнээс харшдаг эсэх, бие махбодын дэглэм гээд хүндэтгэн үзэх шалтгаантай тохиолдолд иж бүрэн хэрэгсэлтэй гал тогооны хэсэгт өөрт тохирсон хүнсээ хадгалах, өөрийн хүссэн хоолоо хийж идэх боломжтой. Учир нь манай бүх өрөө хоол хүнс хадгалах, хийж идэхэд шаардлагатай бүх хэрэгслийг багтаасан гал тогооны хэсэгтэй.
Түүнчлэн манай зочид буудалд Япон, Хятад, Европ, Монгол орны хоолоор үйлчлэх эрүүл ахуйн шаардлага хангасан, туршлагатай тогооч нартай өндөр зэрэглэлийн ресторан байгаа учраас та дуртай хоолоо өрөөндөө захиалаад идэж болно шүү. Тэр ч бүү хэл Хятад хоолны ресторан маань олон жилийн туршлагатай хятад тогооч нартай бөгөөд вип өрөөнүүдтэй учраас та Ази хэв маягийн хоолны соёлыг мэдрэх бүрэн боломжтой. БНХАУ-ын үндэсний мөнгөн тэмдэгтээр үйлчлүүлэх ч боломж байгаа.
1-р давхарт өглөөг эрч хүчтэй, амттай эхлүүлэхэд тань туслах кофе шоп байгаа учраас та өглөөний цайны сэт, сайн чанарын кофе, амттай бялуугаар шинэхэн өдрөө угтаарай.
Таны алжаал ядаргааг бүрэн тайлж чадах цэвэр орчин, орон зай томтой бялдаржуулах төв, шүршүүр дотроо маш тухтай саунтай тул та хүссэн үедээ ажлын ачаалал, аяллын ядаргаагаа тайлах боломжтой. Манай усан сэлэлтийн төв олон улсын стандартын дагуу ариутгал, халдваргүйжүүлэлтээ тогтмол хийдэг учраас усан спорт сонирхдог, хичээллэдэг хүн бүр зочилж эрч хүч, эерэг энергээр өөрийгөө цэнэглэхэд манай бассейны үүд хаалга нээлттэй шүү.
АЮУЛГҮЙ, АМАР ТАЙВАН байдлыг хариуцна
Бид таны аюулгүй байдлыг 24 цагийн харуул хамгаалалтаар хангаж ажиллах бөгөөд хэрвээ гадны нөлөөтэй бусад болзошгүй аюул тулгарсан тохиолдолд аваарын дохиолол, аваарын гарц нэгэн зэрэг ажиллаж бүх үйлчлүүлэгчдэдээ зарлах хоолойгоор шуурхай мэдэгдэх юм. Манай зочид буудлын барилга байгууламж 8 баллын газар хөдлөлтөд тэсвэртэй, бүрэн цутгамал бүтэцтэй Европ стандартаар баригдсан учраас гадны нөлөөнөөс та бүхнийг бүрэн хамгаалж чадна. Өдөр тутам давхрын шат цоожтой төдийгүй таны байрласан давхарт өөр давхрын үйлчлүүлэгч эсвэл гадны хүн зорчих боломжгүйгээр бид зохион байгуулсан юм. Түүнчлэн манай дотоод ажилчид тусдаа цахилгаан шатаар зорчдог тул тантай зөвхөн бусад үйлчлүүлэгчтэй л тааралдах юм. Бид таны аяллыг тав тухтай байлгах, танд тулгамдаж болзошгүй бүхий л асуудлыг шийдэх тэр бүх нөөц бололцоог хэрэгжүүлж ажиллаж байгаа тул ажил, аяллаас бусдыг нь бидэнд даатгахад болно шүү. Биднийг зорин ирэх гэж байгаа танд Монголдоо өөр хаанаас ч олохгүй тав тух, цэвэр цэмцгэр байдлыг бид нэг дор цогцлоосон гэдгээ дахин хэлэхэд таатай байна. Аялах хэзээ ч ийм тухтай байсангүй…
Ая тухыг хаанаас ч биш зөвхөн манайхаас мэдрээрэй.
